“Байер” Хаверц учун дедлайн белгилади

“Байер” клуби ўз юлдузи Кай Хаверц трансферини тезлаштиришни талаб қилмоқда. Гап шундаки, леверкузенликлар 28 август куни мавсумолди тайёргарлик жараёнларига киришади. Унгача “Челси” раҳбарияти барчасини ҳал қилиши керак.

Ўз навбатида, “аристократлар” ҳам германиялик ярим ҳимоячи учун сўралаётган 100 млн евро маблағни тўлашга қийналмоқда. Улар бу сумма камайтирилишидан умидвор. Акс ҳолда, бу трансфер амалга ошмаслиги мумкин.

21 ёшли немис хавбеки “Байер” тарбияланувчиси ҳисобланади. Ушбу мавсумда Хаверц 18 та гол уриб, 7 ассистни ўз ҳисобига ёздириб қўйишга эришган.