"Базель" "Янг Бойз"га муддатидан аввал чемпионликни тақдим этди

Кеча Швейцария Суперлигасининг 29-турида "Базель" ўз майдонида "Грассхоппер"ни (0:0) енга олмади.

Ушбу учрашувдан сўнг базелликларнинг пешқадам "Янг Бойз" билан ораларидаги очколар фарқи 22тага етди. Чемпионат якунига эса 7та тур қолганини инобатга олганда “Янг Бойз” муддатидан аввал биринчи ўринни нақд қилди. Таъкидлаш керакки, "Янг Бойз" ҳали 29-тур ўйинини ўтказгани ҳам йўқ.

Маълумот учун, Швейцария Суперлигасида бор йўғи 10та жамоа иштирок этади. Бу "Янг Бойз" тарихидаги 13-чемпионлик бўлди.