Беҳруз Каримов ва Жавоҳир Ҳусанов Хитойга қарши учрашувдан сўнг ўз фикрларини билдирди

Хабарингиз бор, бугун Ўзбекистон миллий терма жамоамиз ўртоқлик учрашувида Хитой билан куч синашиб, 2:2 ҳисобидаги дурангга имзо чекди. Ўйиндан сўнг Беҳруз Каримов ва Жавоҳир Ҳусанов ўз фикрлари билан ўртоқлашди. 
 
Беҳруз Каримов: "Бугунги беллашув ажойиб ўтди, жуда ҳам катта таассурот қолдирди. Албатта, бугун жамоамиз билан майдонда характер кўрсатдик. Аллоҳга шукур, яхши натижа билан ўйинни якунладик. Шунингдек, биринчи голимни урганимдан ҳам жуда хурсандман. Асосий мақсадим эса ҳозир бу ерда яхши ўзимни намойиш этиб, келажакда терма жамоамиздаги энг муҳим футболчилардан бири бўлиш. Бундан ташқари, жамоага тез қўшилдим. Ҳаммаларини яхши танийман, олдиндан яхши чиқишиб келаман". 
 
Жавоҳир Ҳусанов: "Авваламбор Ассалому Алайкум. Ўйин давомида икки жамоа ҳам яхши ҳаракат қилди. Албатта, дебют учрашувдаёқ гол уриш - завқлидир. Кейинги ўйинларда ҳам бор кучимизни ишга солган ҳолда, жамоамизга ёрдам беришга ҳаракат қиламиз".