Бектемир Мелиқўзиевнинг вазнидаги чемпион кескин танқид қилинди

Супер ўрта вазн тоифасида жаҳон чемпионлигига собиқ даъвогар Эдгар Берланга амалдаги WBC чемпиони Кристиан Мбиллини кескин танқид қилди. Пуэрто-Риколик боксчи дивизионнинг собиқ мутлақ чемпиони Сауль "Канело" Альварес Мбиллини осонликча мағлуб этишига ишонч билдирмоқда.

"Мен чин дилдан ишонаман, "Канело" Кристианни тўхтатишга қодир. Менимча, Мбиллида ҳеч қандай ўзига хослик йўқ. Ҳа, бу йигит доим олдинга интилади, жисмонан яхши тайёргарликка эга ва кўп зарбалар беради. Бироқ жанговор IQ си етарли эмас. Унинг Деревянченкога қарши жангини эсланг. Сергей деярли бир қўли билан жанг қилди ва шу билан бирга Мбиллини тўхтатишига оз қолди!", - дея Берлангнинг сўзларини келтирди "The Ring".

Эслатиб ўтамиз, Альварес ва Мбилли супер ўрта вазн тоифасида WBC камари учун 31 октябрь куни ўзаро жанг қилади.

Ҳамюртимиз Бектемир Мелиқўзиев WBC нинг мазкур вазндаги рейтингида 5 ўринни эгаллаб турибди.