Бекхэм мундиалдан катта даромад билан чиқди

«Интер Майами» клубининг бош инвестори Дэвид Бекхэм жаҳон чемпионатини нафақат қизил вино билан футбол томоша қилиб ўтказди, балки катта даромад ҳам кўрди. «Манчестер Юнайтед» ва «Реал» собиқ юлдузи мусобақа давомида реклама келишувлари орқали сезиларли маблағ ишлаб олган.

The Touchline нашрининг Daily Mirrorга таяниб хабар беришича, жаҳон чемпионати пайтида Бекхэм турли реклама шартномалари орқали 22 миллион евродан ортиқ даромад олган.

Эслатиб ўтамиз, 2026 йилги жаҳон чемпионати 11 июндан 19 июлгача бўлиб ўтди. Мусобақада Испания терма жамоаси ғолиб чиқди. Финалда испанлар қўшимча дақиқаларда киритилган ягона гол эвазига Аргентина устидан 1:0 ҳисобида ғалаба қозонди.

Шу пайтда «Интер Майами» МЛСнинг Шарқ конференцияси турнир жадвалида иккинчи ўринни эгаллаб турибди.