Бекзод Қурбонов Жаҳон кубоги финалига тайёргарлик кўрмоқда

8-12 апрель кунлари АҚШнинг Форт-Уерт шаҳрида от спортининг конкур йўналиши бўйича Жаҳон кубогининг финал босқичи бўлиб ўтади. Дунёнинг энг кучли 36 спортчиси иштирок этадиган мазкур мусобақада юртдошимиз Бекзод Қурбонов ҳам қатнашади.

Спортчимиз ҳозирда АҚШга етиб борган ва “Matts VG” лақабли тулпори билан мусобақага сўнгги тайёргарлик машғулотларини олиб бормоқда. Қайд этиш жоиз, ушбу турнирда спортчилар 160 см баландликдаги тўсиқлардан сакраш бўйича баҳс олиб боришади.

Бу ҳақда МОҚ хабар бермоқда.