Бельгия Про-лигаси. Ўринбоев дебют учрашувини ўтказган ўйинда "Антверпен" ғалаба қозонди

Бельгия Про-лигасининг 3-туридан ўрин олган баҳсда "Антверпен" "Ауд-Хеверле Лёвен" билан куч синашди ва 3:1 ҳисобида муваффақиятга эришди. 
 
Дастлаб беллашувнинг 36-дақиқасида Мишель-Анж Баликвиша ҳисобни очди. Иккинчи бўлимнинг 78-дақиқасида Маамаду Думбия орадаги фарқни 2 тага етказиб қўйди. Рақиб жамоа футболчилари эса 87-дақиқада гол уришди. Гол муаллифи - Эвауд Плетинкс. Шундан сўнг иккинчи бўлимга қўшиб берилган дақиқаларнинг еттинчиси ўтиб бораётганда Фароуcк Адеками орадаги фарқни яна 2 тага етказган ҳолда, жамоасининг турнирдаги илк ғалабасини таъминлади. 
 
Маълумот ўрнида, ҳамюртимиз Муҳаммадали Ўринбоев тўқнашувнинг 85-дақиқасида захирадан ўйинга қўшилиб, ўйинни кучайтирди. 
 
Эслатиб ўтамиз, "Антверпен" 3 та турдан сўнг 5 очко жамғарган ҳолда, 7-ўринда бормоқда.