Белинда Бенчич ўз юртида мағлуб бўлди

Швейцариялик теннисчи Белинда Бенчич Лугано шаҳрида ўтаётган "Samsung Open" мусобақасининг иккинчи даврасига чиқа олмади.

Белинда илк босқичда германиялик Антонии Лоттнерга қарши кортга чиқиб, якунда 5:7, 2:6 ҳисобида имкониятни бой бериб қўйди.

Шу тариқа турнирнинг иккинчи босқичига чиққан Лоттнер, чехиялик Кристина Плишковага қарши чорак финал йўлланмаси учун баҳс олиб борадиган бўлди.