Беллингем "ЖЧ-2026" ярим финалида Аргентинага мағлубият учун мухлислардан узр сўради

Англия терма жамоаси яримҳимоячиси Жуд Беллингем ЖЧ–2026 ярим финалида Аргентинага қарши ўйиндаги мағлубият учун мухлислардан узр сўради.

Беллингемнинг айтишича, бу мағлубият уни жуда ранжитган. У ўзини ниҳоят жаҳон чемпионати финалига йўл оладиган Англия терма жамоасининг бир қисми сифатида кўришни истаганини таъкидлади.

«Яна бир бор мухлислардан омадсиз иштирок учун узр сўрашга тўғри келаётгани мени бутунлай эзиб қўйди. Бизни кечиринг», — дея Беллингем сўзларини журналист Фабрицио Романо келтирган.

Эслатиб ўтамиз, Англия ярим финалда Аргентинага 1:2 ҳисобида мағлуб бўлди, гарчи ўйинда ҳисобни инглизлар очган эди. Беллингем бутун ўйинни майдонда ўтказди, аммо гол ёки голли пас билан ажралиб тура олмади. Учинчи ўрин учун баҳсда Томас Тухел шогирдлари Франция терма жамоасига қарши майдонга тушади.