Беллингем "Ювентус" дарвозасига гол урганидан мамнунлигини билдирди
"Реал Мадрид" ярим ҳимоячиси Жуд Беллингем Чемпионлар лигасининг 3-турида "Ювентус"га қарши баҳсда гол уриб, жамоасининг ғалабасини таъминлади. Ўйиндан сўнг Жуд бу гол унинг учун алоҳида аҳамиятга эга эканини таъкидлади.
"Албатта, бу ажойиб ҳис-туйғу. Анчадан бери гол ура олмаётган эдим ва тезроқ гол уришни хоҳлардим. Бугун Чемпионлар лигаси доирасида кучли жамоага қарши ўйин ўтказиб, гол киритиш бахтига муяссар бўлдим", — деди Беллингем CBS телеканалига берган интервьюсида.
Маълумот учун, мадридликлар навбатдаги учрашувни Ла Лига доирасида "Барселона"га қарши ўтказади. "Эль-Класико" 26 октябрь куни бўлиб, Тошкент вақти билан соат 20:15 да бошланади.
Комментарии