Беллингемга янги харидор пайдо бўлди

“Боруссия” футболчиси Беллингем учун бир қатор гранд клублар курашмоқда. “Реал” ва “Ливерпуль” жамоалари ушбу курашда фаворит бўлиб турибди. 19 ёшли ярим ҳимоячи учун немис клуби 120 миллион евро талаб қилмоқда.

“El Nacional” нашри хабар беришича, Беллингемни ПСЖ ҳам сотиб олишни истайди. Париж жамоаси сўралаётган 120 миллион евродан ҳам кўпроғини тўлашга тайёр. Улар Жудни келаси ёзнинг асосий мақсади қилиб олган.

Беллингем Қатарда давом этаётган мундиалда Англия билан чорак финалгача етиб борди. Ушбу чемпионатда футболчи 5 та ўйинда майдонга тушиб, 1 та гол ва 1 та ассист амалга оширди.