"Беллингемнинг ҳиссаси йўқ"

Хабарингиз бор, ҳимоячи Трент Александер-Арнольд "Ливерпуль"ни тарк этиш тўғрисидаги қарорини эълон қилди. 26 ёшли футболчининг "Реал"га ўтиши ҳақида яқин кунларда эълон қилиниши мумкин.

Трансфер клублараро жаҳон чемпионати олдидан ёки 30 июндан кейин (эркин агент сифатида) расмийлаштирилиши мумкин. Трент Александер-Арнольд Жуд Беллингемнинг яқин дўсти ҳисобланади. Бироқ, футболчилар ўртасидаги муносабат "Ливерпуль" ҳимоячисининг "Реал"га ўтиш қарорида ҳал қилувчи омил бўлмаган. Бу ҳақда "The Times" нашриёти хабар бермоқда.

Таъкидлаш жоизки, Александер-Арнольд "Ливерпуль" академиясининг тарбияланувчисидир.