"Бенфика" жаҳон чемпиони билан шартномани узайтирмайди

Аргентиналик ҳужумчи Анхель ди Мария "Бенфика"ни тарк этади. Бу ҳақда "deadlinedaylive" маълум қилди.

Португалиянинг нуфузли клуби 37 ёшли футболчи билан ҳамкорликни давом эттирмасликка қарор қилган. Томонлар ўртасидаги амалдаги шартнома муддати ёзда тугайди.

Европада Ди Мария "Реал Мадрид", "Манчестер Юнайтед", ПСЖ ва "Ювентус" сафида тўп тепган. Аргентина миллий терма жамоаси таркибида ҳужумчи 145 та ўйин ўтказиб, 31 та гол урган.

Португалия чемпионатининг жорий мавсумида Анхель 23 та ўйинда майдонга тушди. Аргентиналик футболчи ҳисобида саккизта гол (шундан бешта пенальтидан) ва бешта голли узатма мавжуд.