Бенитес: "Мен “Реал”дан Роналду туфайли кетмаганман"

Рафаэль Бенитес ўз вақтида Криштиану Роналду билан келишмовчиликлар бўлгани ҳақидаги миш-мишларни рад этди. Бу ҳақда у MBC Masr 2 телеканалига берган интервьюсида маълум қилди.

– Бу нотўғри. Мен “Реал”ни Роналду туфайли тарк этганим ҳақидаги гаплар ҳақиқатга тўғри келмайди. Орамизда ҳеч қандай келишмовчилик бўлмаган. У – буюк футболчи ва ҳақиқий феномен.

– Мен жамоани тарк этдим, чунки клуб ичида муайян муаммолар бор эди. Лекин улар Роналду билан ҳеч қандай боғлиқ эмасди" – дея қўшимча қилди Бенитес.

Рафаэль Бенитес “Реал Мадрид” бош мураббийи сифатида 2015 йилдан 2016 йилгача ишлаган. Унинг ўрнини кейинчалик Зинедин Зидан эгаллаган эди.