Benites yana A Seriyaga qaytishi mumkin

"Roma" klubi rahbariyati mavsum yakunlangach jamoadan ketadigan Klaudio Ranerining o‘rniga munosib nomzod qidirishni davom ettirmoqda.

Il Messaggero nashrining xabar berishicha rimliklar ushbu lavozimga "Nyukasl" bosh murabbiyi Rafael Benitesning nomzodini ko‘rib chiqishmoqda. Ta’kidlash kerakki, ispaniyalik mutaxassisning “qarg‘alar” bilan amaldagi shartnomasi yozda o‘z nihoyasiga etadi va tomonlar hozircha ushbu kelishuvni uzaytirish bo‘yicha kelishuvga erishganicha yo‘q.

“Roma” bundan tashqari "Atalanta" ustozi Jjanpero Gasperinini ham ko‘z ostiga olib qo‘ygan. Biroq, Benites nomzodi asosiy hisoblanadi. Boisi, Gasperiniga shuningdek "Milan" ham kurash olib bormoqda.