Бензема: Буни кўплаб буюк футболчилар бошидан кечирган

Франциялик ҳужумчи Карим Бензема Миллатлар лигаси доирасидаги Австрияга қарши ўйиндан (1:1) кейин Антуан Гризманн ҳақида гапирди. Ҳужумчи сўнгги 6 ўйиндан бери терма жамоа сафида гол ура олмаяпти.

- Мен бу терма жамоага кимнидир муҳокама қилиш ёки унинг ўйинини баҳолаш учун келганим йўқ. Ким гол уришидан қатъи назар, барчамиз Франция учун ҳаракат қиламиз. Муҳими, Антуан ишлашда давом этмоқда ва қайсидир ўйинда, албатта, гол уради деган умиддаман. Гарчи у гол урмаса-да, жуда кўп ишлайди, жамоага ёрдам беради. Ҳозирда унга омад етишмаяпти. Буни барча кўплаб футболчилар бошидан кечирган: Зидан, Роналдо, Криштиану Роналду. У, албатта, аввалги даражасига қайтади, - дея Бенземанинг сўзларини келтирмоқда “L'Equipe”.

Маълумот ўрнида, Миллатлар лигаси 3-туридан сўнг Франция терма жамоаси 2 очко жамғариб, гуруҳда охирги ўринни эгаллаб турибди.

Фикрлар

Фикр қолдириш учун авторизациядан ўтинг!