Бензема дебют учрашувидаёқ гол урди ва голли узатмани амалга оширди (видео)

Франциялик ҳужумчи Карим Бензема "Ал-Иттиҳод" сафидаги дебют ўйинида гол урди ва голли узатмани амалга оширди.

35 ёшли футболчи Араб чемпионлар кубоги доирасида “Эсперанс”га қарши ўйиннинг 55-дақиқасида рақиб дарвозасини ишғол қилди. Шунингдек, ҳужумчи 35-дақиқада киритилган жамоасининг биринчи голида ҳам бевосита иштирок этди ва голли узатмани амалга оширди.

Эслатиб ўтамиз, "Олтин тўп" соҳиби шу ёзда "Реал"дан "Ал-Иттиҳод"га кўчиб ўтди.

Шунингдек, ушбу ўйинда "Челси"нинг собиқ ярим ҳимоячиси Нголо Канте ҳам "Ал-Иттиҳод" сафида дебют қилди.