Бензема "Реал" тарихидаги тўпурарлар рўйхатида кўтарилди

"Реал" ҳужумчиси Карим Бензема Ла Лига доирасида "Бетис" (1:2) га қарши кечган учрашувда жамоасининг ягона голига муаллифлик қилди. Бу 32 ёшли футболчи учун мадридликлар сафидаги 241-гол бўлди. 

Мазкур кўрсаткич бўйича франциялик ҳужумчи клуб тўпурарлари тарихида бешинчи ўринни эгаллаб турган Ференц Пушкашга етиб олди.

Маълумот учун, "қаймоқранглилар" либосида 289 маротаба рақиб дарвозасини ишғол қилган Сантильяна жамоа тарихидаги тўрттинчи рақамли тўпурар ҳисобланади. Мадрид клуби учун 450 та голни ўз ҳисобига ёздириб қўя олган Криштиану Роналду жамоа тарихидаги энг яхши тўпурар бўлиб турипти.