Бензема яна Месси билан бир лигада ўйнаши мумкин

Саудиянинг «Ал-Хилол» жамоасида тўп суриб келаётган тажрибали ҳужумчи Карим Бензема яқин кунларда клубни тарк этиши кутилмоқда. Бу ҳақда Diario AS нашри хабар берди.

Манба маълумотига кўра, «Реал Мадрид» собиқ форварди учун бир нечта йўналишда имкониятлар мавжуд. Унинг хизматларига Саудия Арабистонининг бир қатор жамоалари қизиқиш билдирмоқда. 

Хусусан, 38 ёшли француз футболчисини «Аш-Шабаб» ва у аввал ҳам тўп сурган «Ал-Иттиҳод» клублари ўз сафига қўшиб олишни истамоқда.

Шу билан бирга, Бенземага Америка Қўшма Штатлари чемпионати — МЛСдан ҳам таклиф тушгани қайд этилмоқда. Ҳозирда ушбу лигада «Барселона» собиқ юлдузи Лионель Месси юқори савияда ўйин намойиш этмоқда.

Карим Бензема ҳали қайси клубни танлаши борасида қатъий қарор қабул қилмаган. Бироқ аниқ бир нарса бор — у ҳозирча профессионал фаолиятини якунлаш ниятида эмас.