Бенземада ҳаммаси кутилганидек кечмаяпти

“Реал” ҳужумчиси Карим Бензема ҳали ҳам жароҳатидан тўлиқ фориғ бўлгани йўқ.

AS нашри тарқатган хабар беришича, режага кўра франциялик футболчи бугундан бошлаб умумий гуруҳ машғулотларига қўшилиши керак эди. Аммо у ўзида бироз оғриқ аломатларини ҳис қилаётгани туфайли яна якка тартибда шуғулланишни давом эттирмоқда.

“Реал” мухлислари учун хушхабар ҳам бор. Жамоа сардори Серхио Рамос жароҳатидан соғайди ва катта эҳтимол билан 13 март куни “Эльче”га қарши бўладиган ўйинда жамоасига ёрдам бера олади.