Бэйл Бекхэмни ортда қолдирди

Аввал хабар берганимиздек кеча Испания Ла Лигасининг 27-турида “Реал” ўз майдонида “Хетафе”ни қабул қилди ва 3:1 ҳисобида ғалаба қозонди.

Эътиборлиси, шу куни “қироллик клуби” сафида учрашувни асосий таркибда бошлаган уэльслик ҳужумчи Гарет Бэйл Испания чемпионатидаги 117-ўйинини ўтказди. Бу эса британиялик футболчилар орасидаги энг яхши натижа ҳисобланади. Бундан олдинги энг яхши натижа ҳам “Реал” футболчисига тегишли. Аниқроғи, 2003 – 2007 йилларда мадридликлар сафида тўп сурган Дэвид Бекхэм Испания чемпионатида 116та баҳсда иштирок этган.

Эслатиб ўтамиз, Бэйл Ла Лигада 2013 йилнинг 14 сентябрида ўз дебютини нишонлаган эди.

Матнда хатолик топсангиз, ўша хатони белгилаб, бизга жўнатинг (Ctrl + Enter)