Бэйл энди футбол ўйнай олмайди

"Реал" жамоаси етакчиларидан бири Гарет Бэйл узоқ муддат футбол ўйнай олмайди. Европа чемпионлар лигаси доирасида "Спортинг"га қарши ўтказилган учрашувда жароҳат олган футболчи жарроҳлик амалиётини ўтказиши керак.

 

Аввалига жароҳат унчалик жиддий эмаслиги ва уэльслик футболчи декабр ойидаёқ майдонга қайтиши атилганди. Бироқ, кейинчалик жароҳат анча жиддийлиги аниқланди.

 

Бэйл 29 ноябрь куни Лондонда операция қилинади. Гарчи мутахассислар футболчининг қачон сафга қайтишини айтолмаётган бўлса-да, Бэйлнинг бу йил футбол ўйнай олмаслиги аниқ бўлиб улгурди.

 

Жорий мавсумда Гарет Бэйл "Реал" таркибида барча турнирларда 14 та ўйин ўтказиб, еттита гол урганди.