Биласизми, у ерда энг кўп легионер Ўзбекистондан!

Яқинда Ўзбекистон Суперлигасига старт берилди. Шунингдек, қўшни мамлакат чемпионатларида ҳам март ойи бошларида янги мавсум бошланди. Жумладан, 7 март куни Тожикистон олий лигаси ҳам расман старт олди

Элитада 12 та жамоа иштирок этмоқда. У ерда ҳам клублар таркибларининг катта қисмини легионерлар ҳисобига кучайтиришган. Бу борада эътиборли жиҳати шундаки, энг кўп легионер Ўзбекистондан бўлиб, Тожикистон олий лигасида янги мавсум учун жами 22 нафар футболчимиз рўйхатдан ўтган.

Иккинчи ўринда Ганадан келган легионер ва уларнинг сони 20 та. Энг кўп ўзбекистонлик футболчилар “Эсхата” ҳамда “Истаравшан” жамоаларида жам бўлган. Иккала клуб легионерлар лимитини тўлиқ ўзбекистонлик футболчилар ҳисобига тўлдирган – 7 тадан. Шунингдек, “Хўжанд”, ЦСКА, “Регар-ТадАЗ”, “Панжшер” ва “Хулбук” жамоаларида ўзбекистонлик футболчилар бор.

Тожикистон чемпионатида олдиндан ўйнаб келаётган ва бу йил янги қўшшилган легионерларимиз бор. Масалан, мухлисларимиз яхши билган Суҳроб Бердиев бу йил “Истаравшан” таркибига қўшилди. Ҳимоячи Асилжон Бегимқулов эса “Хўжанд”га ўтди.  

12 та клубдан 7 тасида ўзбекистонлик ўйинчилар тўп суришяпти. Дастлабки турда “Истаравшан” сафарда “Равшан” билан 1:1 ўйнади. Дебют учрашувида майдонга тушган футболчимиз Суҳроб Бердиев 35-дақиқада гол муаллифига айланди ва ҳисобни тенглаштирди. “Вахш” – “Эсхата” учрашувида 3:1 ҳисоби қайд этилди. Мезбонлар сафида дебют ўйинида майдонга тушган ҳужумчи Ҳамидулло Абдуҳамидов 42-дақиқада пенальтидан жамоасининг ягона голини урди.

Тожик клубларидаги ўзбекистонлик футболчилар:

 “Хўжанд”

Ҳимоячилар: Асилжон Бегимқулов, Фирдавс Абдусалимов

Ярим ҳимоячи: Ислом Тошпўлатов

“Эсхата”

Дарвозабон: Иззатилла Турсунов

Ҳимоячилар: Сардор Хурсандов, Зоир Турсунов

Ярим ҳимоячилар: Санжар Рихсибоев, Диёр Шавқиев, Миржалол Қосимов

Ҳужумчи: Ҳамидулло Абдуҳамидов

ЦСКА

Ярим ҳимоячи: Мухиддин Одилов

“Регар-ТадАЗ”

Ҳимоячи: Асилбек Темиров

“Истаравшан"

Дарвозабон: Шахзод Шамсиддинов

Ҳимоячилар: Мирзохид Мирзамаҳмудов, Абдужалил Маназаров

Ярим ҳимоячилар: Жаҳонгир Сафаров, Бобур Қосимов, Сардор Саидов

Ҳужумчи: Суҳроб Бердиев

“Панжшер”

Ярим ҳимоячилар: Аюбхон Алимов, Рустам Қўчқоров

“Хулбук”

Ярим ҳимоячи: Жаъфар Исмоилов