Биласизми: “Локомотив”нинг рейтинги “Барселона”ни мағлуб этган “Эспаньол”дан ҳам юқори
Халқаро футбол тарихи ва статистикаси федерацияси (IFFHS) жаҳон клубларининг 2017 йилдаги рейтинг жадвалини эълон қилди.
2017 йилда Ўзбекистон чемпионати ва кубогида зафар қучган Тошкентнинг “Локомотив” клуби мазкур рейтингнинг 221-поғонасида бормоқда. Бу ўтган йилги натижадан 4 та паст натижа бўлди.
Қайд этиш жоиз, куни кеча Испания кубоги доирасида “Барселона”ни мағлуб этган “Эспаньол” жамоаси 256-ўринда, клублар ўртасидаги ЖЧда муваффақиятли иштирок этган ҳамюртимиз Сардор Рашидов тўп тепадиган “Ал-Жазира” 258, бу йилги мавсумни кўтаринки кайфиятда ўтказаётган “Бёрнли” эса 268-ўринни эгаллаган.
“Бунёдкор” эса мазкур рейтингда 386-ўринда қайд этилган бўлиб, “қалдирғочлар” Англиянинг “Уотфорд” ва “Вест Хэм” каби жамоалари билан бир қаторда турганлигини кўриш мумкин.
IFFHS рейтинги. 2017 йил учун
- “Реал” (Испания) – 328 очко
- “Гремио” (Бразилия) – 286
- МЮ (Англия) – 284
- “Барселона” (Испания) – 269
- ПСЖ (Франция) – 266
- “Фламенго” (Бразилия) – 256
- “Ювентус” (Италия) – 254
- “Бавария” (Германия) – 250
- “Манчестер Сити” (Англия) – 244
- “Зальцбург” (Австрия) – 240,5
...
- “Ал-Хилол” (Саудия Арабистони) – 186,5
- “Ал-Ахли” (Саудия Арабистони) – 133,5
- “Шанхай СИПГ” (Хитой) – 130
- “Урава Редс” (Япония) – 130
- “Локомотив” (Ўзбекистон) – 86
- “Бока Хуниорс” (Аргентина) – 86
- “Эспаньол” (Испания) – 78
- “Ал-Жазира” (БАА) – 77
- “Бёрнли” (Англия) – 76
- “Бунёдкор” (Ўзбекистон) – 62
- “Вест Хэм” (Англия) – 62
- “Уотфорд” (Англия) – 62.
Фикрлар