Бишкекдан ҳушхабар: Ўзбекистон халқаро мусобақаларни 5 та медаль билан якунлади

Қирғизистоннинг Бишкек шаҳрида от спортининг виездка ва конкур йўналишлари бўйича халқаро мусобақалар бўлиб ўтди. Унда бир қатор давлатлардан ташриф буюрган спортчилар ғолиблик учун баҳс олиб борди.

Мусобақа давомида Ўзбекистон вакили Алина Шевтсова юқори маҳорат намойиш этиб, CDI3* Grand Prix, CDI1*, CDI3* Grand Prix Freestyle ҳамда  CDI1* Intermediate I Freestyle  йўналишларида “Замперони” ва “Ноcито Де Музе” отлари билан жами 4 та олтин медални қўлга киритди.

Шунингдек, Жаҳон кубогининг учинчи босқичи доирасида ўтказилган  CSI1*-W 110 баландликдаги йўналишда Ўзбекистон терма жамоаси вакили Шокиров Дилшод “Ладй” лақабли оти билан кумуш медалга сазовор бўлди. Якунда ҳамюртларимиз халқаро мусобақаларни 4 та олтин ва 1 та кумуш медал билан якунлашди. Бу ҳақда Ўзбекистон Республикаси Спорт вазирлиги хабар бермоқда.