Битта трансфер учта рекордни урди

“Милан” ярим ҳимоячиси Сандро Тоналининг Англия Премьер-лигаси вакили Ньюкаслга кўчиб ўтгани бир неча рекордларни урди.

Трансфер харажатлари расман эълон қилинмаган бўлса-да, “қарғалар” 23 ёшли футболчи учун “Милан”га 70 миллион евро тўлаган ва яна 10 миллион евро турли бонуслар кўринишида миланликлар ҳисобига ўтказиб берилади.

Шу тариқа, Сандро Тонали футбол тарихидаги энг қиммат италиялик ўйинчи носини олди. Бунгача италиялик футболчиларнинг энг қимматбаҳоси Жоржиньо бўлиб турганди. 2018 йили “Челси” бу ўйинчи учун “Наполи”га 57 миллион евро тўлаган.

Иккинчи рекорд шундан иборатки, Тонали “Милан” тарихидаги энг катта трансфер соҳибига айланди. Бунгача “Милан” бразилиялик Какани 2009 йили “Реал”га 67 миллион еврога пуллаган эди.

Ниҳоят, Тонали Англияга қадам қўйиши билан рекордчига айланди. Италиялик футболчи “Ньюкасл”нинг энг қимматбаҳо футболчиси бўлди. Бунгача “қарғалар” ўтган йили Алексадер Исаак учун “Реаль-Сосьедад”га 70 миллион евро тўлаган.