Биз “Барса”га тўғри келмадик

“Удинезе” ҳужумкор футболчиси Жерард Делофеу ўзини тарбиялаган “Барселона”да ўйнаб кета олмаганини тан олди.

Испаниялик футболчи каталонияликларнинг асосий таркибига кира олмаганидан кейин “Эвертон”га кўчиб ўтганди. 2017 йили “Барселона” унга яна бир имконият бериб, ортга қайтарганди. Иккинчи уриниш ҳам муваффақиятсиз бўлди.

- “Барселона”даги тажриба мен учун жуда фойдали бўлган, лекин мен энди у ерга қайтмайман. “Барселона”га савиям тўғри келмаган ва менга жуда қийин бўлган. Барқарор ўйин намойиш қила олмаганман. Бу клубда ҳар доим ҳайратланарли даражада ўйнаш талаб этилади. Кетишим аниқ эди. Бахтимга, бошқа клубда ўз ўрнимни топдим, - деди Жерард Делофеу.

Делофеу 2020 йилдан бери Италия чемпионатида “Удинезе” шарафини ҳимоя қилиб келмоқда.