Бизга 3 очко келтирган қаҳрамонимиз эътироф этилди

"ЖЧ-2026" саралаши учинчи босқичининг 6-туридан доирасидаги КХДР - Ўзбекистон баҳси якунига етди.

Лаосда бўлиб ўтган мазкур баҳсда ҳамюртларимиз минимал 0:1 ҳисобидаги ғалабани қўлга киритди.

Беллашувдаги ягона голга Аббосбек Файзуллаев 44-дақиқада муаллифлик қилди. 83-дақиқада Умар Эшмуродов қўл билан ўйнагани учун қизил карточка билан жазоланди ва дарвозамиз томон пенальти белгиланди.  Посбонимиз Ўткир Юсупов эса мазкур 11 метрлик зарбада ажойиб сейв амалга оширди.

Сўнгги дақиқаларда Юсупов томонидан қилинган қаҳрамонлик эътироф этилиб, дарвозабонимиз "SofaScore" талқинига кўра, "ЖЧ-2026" саралаши Осиё минтақаси 3-босқичининг 6-тур рамзий жамоасидан жой олди. 

У КХДРга қарши ўйинда 7.7 баллга лойиқ кўрилганди.