Бизга бундай футболчи керак эмас

Италиянинг "Милан" клуби португалиялик вингер Рафаэль Леауни сотиб юборишга қарор қилди.

"La Gazetta dello Sport" нашри берган хабарларга кўра, "Милан" клуби Рафаэл Леауни сотувга қўймоқчи. Аввалроқ, миланликлар футболчини қўйиб юборишни истисно қилган эди, бироқ "Лацио"га қарши учрашувдаги футболчининг ҳаракатлари клуб раҳбариятининг фикрини ўзгартирган. Эндиликда "россонерилар" Леау бўйича ҳар қандай таклифни кўриб чиқишга тайёр. Футболчининг шартномасида 170 миллион евролик товон пули белгиланган. Аммо клуб бундай суммани ҳеч ким тўлаб бермаслигини тушуниб турибди. Шу боис, 80 миллиондан бошланадиган таклифларни кўриб чиқади. Клуб раҳбариятининг фикрини ўзгартирган вазият "Лацио" га қарши ўйинда бош мураббий Массимилиано Аллегри 66-дақиқада Леауни алмаштирганидан сўнг, жамоадошлари билан футболчининг тортишуви бўлди. Вингернинг итальян клуби билан амалдаги шартномаси 2028 йилнинг ёзида якунига етади. Унинг "Трансфермаркт" порталидаги нархи 70 миллион еврони ташкил қилади.

Жорий мавсумда Португалия терма жамоаси аъзоси 24та учрашувда майдонга тушиб, 10та гол ва 3та голли узатмани амалга оширди.