Блан "Рома"га ўз хизматларини таклиф қилди

"Рома" клуби раҳбарияти Клаудио Раньери ўрнига муносиб номзод қидиришни бошлаб юборгани ҳақида хабар берилган эди.

Corriere dello Sport нашри тарқатган хабарга кўра римликларнинг бу борадаги кейинги номзоди Лоран Блан. Ушбу франциялик мутахассис кеча А Серия доирасида бўлиб ўтган "Рома" - "Ювентус" жамоалари учрашувига ташриф буюрган ва “бўрилар” раҳбариятига  ўз ҳизматларини таклиф қилган. Бироқ, “Рома” хўжайинлари Бландан кўра тажрибалироқ ва маҳоратлироқ мураббий олиб келишни режалаштиришмоқда.

Эслатиб ўтамиз, бундан аввалроқ “Рома” бошқа бир француз мутахассиси – Арсен Венгер номзодини кўриб чиқаётгани ҳақида хабарлар тарқалган эди.