Бо Никал: "Ҳатто Хамзат Чимаев ҳам мени енга олмайди"

Америкалик UFC жангчиси Бо Никал (7-0) чеченистонлик Хамзат Чимаев(14-0)ни эҳтимолий жангда мағлуб эта олишига ишонмоқда.

“Дунёда мени мағлуб эта оладиган ўрта вазн тоифасидаги жангчи йўқ деб ўйлайман. Ҳатто Чимаев ҳам мени тўхтата олмайди. Тўғри, унинг маҳоратига гап йўқ. Бироқ мен унинг асосий камчилигини биламан. Ҳамзат тез чарчаб қолади. Ҳар раунддан кейинги у секинлашади, мен эса кучайиб бораман" - дея америкаликнинг сўзларини келтирди "ММАJunkie" портали.

Эслатиб ўтамиз, Бо Никал охирги жангида Пол Крейгни ҳакамларнинг якдил қарорига кўра мағлуб этди.