Бокс. 13 нафар боксчимиз ёшлар ўртасидаги жаҳон чемпионатининг ярим финалига чиқди!

Бокс бўйича Ўзбекистон ёшлар терма жамоаси шу кунларда Черногориянинг Будва шаҳрида ташкил этилаётган жаҳон чемпионатида иштирок этмоқда. Айни пайтга келиб, барча вазн тоифаларида ярим финалчилар номи маълум бўлди.

Ўзбекистон бокс федерациясининг маълум қилишича, 13 нафар ҳамюртимиз ушбу босқичга етиб келиб, барчалари камида бронза медалини нақд қилишди. Бугун улар финал йўлланмаси учун рингга кўтарилишади. Жуфтликлар билан танишинг:

-48 кг: Жасмин Тоҳирова - Наталия Ниевиадомска (Польша)
-70 кг: Ойша Тоирова - Алимире Абудурейиму (Хитой)
-81 кг: Рухшона Парпиева - Нур Аслан Суде (Туркия)
-48 кг: Сайфиддин Собиров - Диас Берикбай (Қозоғистон)
-54 кг: Собиржон Тастанов - Вячеслав Рогозин (Россия)
-75 кг: Жафарбек Шаҳбозов - Рефукаити Рехемуижанг (Хитой)
-86 кг: Акмалжон Исроилов - Михаил Довд (ИБА)
+92 кг: Шаҳзод Полвонов - Аслан Елдибаюли (Қозоғистон)
+81 кг: Собирахон Шаҳобиддинова - София Душина (Россия)
-57 кг: Самандар Олимов - Жансери Кошербаев (Қозоғистон)
-63.5 кг: Абдулазиз Жўрақулов - Рафаел Нерсисян (Арманистон)
-71 кг: Муҳаммадазизбек Исмоилов - Онер Сеилхан (Қозоғистон)
-92 кг: Ҳалимжон Мамасолиев - Рассул Ассанханов (Қозоғистон)