Bokschilarimiz Rossiyadagi turnirda muvaffaqiyatli start olishdi

Xabar berganimizdek, boks bo‘yicha O‘zbekiston terma jamoasi a’zolari Rossiyaning Xabarovsk shahridagi xalqaro turnirda ishtirok etmoqda. Musobaqaning dastlabki kunida 4 nafar hamyurtimiz ringga ko‘tarildi va barchasi ishonchli g‘alaba bilan navbatdagi bosqichga yo‘l oldi.

-54 kg: Shahzod Muzaffarov - Albert Gataullin (Rossiya) 5:0
-60 kg: Dilshod Abdumurodov - Azrak Babirov (Ozarbayjon) 5:0
-67 kg: Ruslan Abdullaev - Denis Gabdrafikov (Rossiya) 5:0
-86 kg: Jasurbek Yo‘ldoshev - Marat Magomedov (Rossiya) raqib 3-raundda diskvalifikatsiya qilindi

18 mayga qadar davom etadigan ushbu musobaqada Rossiya, O‘zbekiston, Tojikiston, Qirg‘iziston, Belarus, Serbiya, Ozarbayjon va Mo‘g‘ulistondan tashrif buyurgan 150 nafar charm qo‘lqop ustalari g‘oliblik uchun jang qilishadi.