Бўлажак “эл класико” Анчелоттининг “Реал”даги фаолиятига нуқта қўяди

“Реал”нинг тажрибали бош мураббийи Карло Анчелотти оғир ўтаётган жорий мавсумдан кейин Мадридни қачон тарк этиши маълум бўлди.

The Athletic нашрининг ёзишича, италиялик мутахассис ва клуб мутасаддилари ўзаро ҳамкорликни тўхтатишнинг аниқ санаси бўйича келишувга эришган.

Унга кўра, 11 май куни “Барселона”га қарши ўтказиладиган 35-тур ўйини Карло Анчелоттига “Реал” бош мураббийи сифатидаги охирги учрашув бўлади ва шу баҳсдан кейин унинг истеъфоси расман эълон қилинади.

Анчелотти узоқ йиллик фаолияти давомида Мадрид суперклубида икки маротаба бош мураббий бўлиб ишлаган. Унинг қўл остида жамоа Испания ва Европада бир неча совринларни қўлга киритган.

Охирги маълумотларга қараганда, 65 ёшли мутахассис Бразилия терма жамоасини бошқаришга розилик берган. У беш карра жаҳон чемпионларини 2026 йилги мундиалга пухта тайёрлаши талаб этилади.