Бонуччи фаолиятини Германияда давом эттиришга яқин

"Ювентус" вакили Леанардо Бонуччи туринликлар сафини тарк этиши маълум бўлганди. Футболчи айни пайтда ўзига янги клуб изламоқда. 

Фабрицио Романо хабар беришича, ҳимоячининг кейинги манзили Германия бўлиши мумкин. У "Унион Берлин" жамоаси билан музокараларрни бошлаган ва келишувга эришиш эҳтимоли юқори. 

Маълумот учун, Берлин клуби ушбу мавсум Чемпионлар лигасида ўйнайди ва шунга яраша таркибни кучайтирмоқда. Аввалроқ, "Унион Берлин" Кевин Волланд, Робин Госенс, Датро Фофана ва Бренден Ааронсон каби футболчиларни ўз таркибига қўшиб олганди.