"Боруссия Д" Клопп давридан сўнг илк бор бу натижага эришди

Германия кубогининг 1/8 финалида “Боруссия” Дортмунд сафарда “Бохум”ни 2:1 ҳисобида мағлуб этди.

Эътиборлиси, дортмундликлар сўнгги 11 йил ичида биринчи марта қишки танаффусдан кейин кетма-кет 5 та учрашувда ғалаба қозонишди.

2012 йилда Юрген Клопп қўл остида "Боруссия"нинг ғалабали серияси 8 ўйинни ташкил қилган эди. Дортмундликлар ўша мавсумда дубль қайд этиб, Бундеслига ва Германия кубогини қўлга киритган.

Германия чемпионатининг жорий мавсумида 19-турдан сўнг “Боруссия” пешқадам “Бавария”дан 3 очко ортда қолган ҳолда турнир жадвалида 3-ўринда бормоқда.