"Боруссия Д" раҳбарияти "Ливерпуль"нинг таклифини жавобсиз қолдирмоқда

Дортмунднинг “Боруссия” клуби ярим ҳимоячиси Жуд Беллингем “Ливерпуль”нинг ёзги трансфердаги асосий мақсади ҳисобланади. CaughtOffside нашри хабарига кўра, инглиз гиганти аллақачон Беллингем учун немис грандига 84 миллион фунтлик (тахминан 95 миллион евро) таклиф юборган.

Манбага кўра, дортмундликлар ҳозирча АПЛ клубининг ушбу таклифига жавоб қайтаргани йўқ. “Боруссия” бошқа клублардан таклиф кутмоқда. Боиси Беллингемга "Реал", "Манчестер Сити" ва ПСЖдан ҳам жиддий қизиқишлар бор.

Машҳур  Трансфермаркт портали экспертлари 19 ёшли Жудни 120 миллион еврога баҳолашмоқда. У жорий мавсум "Боруссия" сафида жами 37 та ўйинда майдонга тушиб, 10 та гол урди.