"Боруссия" Дортмунд 17 ёшли футболчи учун 50 млн евро таклиф қилмоқда

"Боруссия" Дортмунд клуби "Ренн" ярим ҳимоячиси Эдуардо Камавинганинг хизматларига жиддий қизиқиш билдира бошлади. Бу ҳақда Bild нашри хабар тарқатмоқда.

Юқоридаги манбаага кўра немис гранди 17 ёшли футболчи учун француз клубига 50 миллион евро таклиф қилмоқда.

Эслатиб ўтамиз, бундан аввалроқ Камавингага "Реал", "Барселона" ва "Манчестер Юнайтед" каби клублардан ҳам қизиқишлар бўлаётгани ҳақида хабарлар тарқалган эди.

Маълумот учун, Эдуардо Камавинга жорий мавсум “Ренн” сафида 26 та ўйинда майдонга тушди ва 1 та гол ҳамда 1 та голли узатмага муаллифлик қилди.