Дортмунднинг "Боруссия" клуби ярим ҳимоячиси Юлиан Брандт жароҳат олиб сафдан чиқди. Бу ҳақда L'Equipe нашри хабар тарқатмоқда.

Юқоридаги манбаага кўра 23 ёшли германиялик футболчи камида 2 ҳафта майдонга туша олмайди. Шу тариқа у 18 февраль куни ПСЖ га қарши бўлиб ўтадиган ЕЧЛ 1/8 финал дастлабки беллашувида жамоасига ёрдам беролмайди.

Маълумот учун, Брандт жорий мавсум “Боруссия” сафида 29 та ўйинда майдонга тушди ва ўз ҳисобига 7 та гол ҳамда 8 та голли узатма ёздириб қўйишга эришди.

Эслатиб ўтамиз, бундан аввалроқ дортмундликларнинг бошқа бир етакчи футболчилари - Марко Ройс ва Томас Дилэйнилар ҳам жароҳат олишган эди.