"Боруссия" Дортмунд техник ҳамкори билан шартномани узайтирди

Дортмунднинг "Боруссия" клуби техник ҳамкори ҳисобланган Puma компанияси билан шартномани узайтирди. Бу ҳақда клуб расмий сайти хабар тарқатмоқда.

Юқоридаги манбаага кўра томонлар ўртасидаги янги келишув 2028 йилга қадар тузилган. Бироқ, ҳозирча шартнома шартлари эълон қилинмаяпти.

Эслатиб ўтамиз, Puma 2012 йилдан буён “Боруссия Д” техник ҳамкори ҳисобланади.