"Боруссия" Дортмунд тўпураридан айрилди, яна бир футболчиси эса мавсум охиригача сафдан чиқди

"Боруссия" Дортмунд клуби бош мураббийи Люсьен Фавр “Бавария”га қарши ўйинда жароҳат олган ҳужумчи Эрлинг Холанд ва ярим ҳимоячи Маҳмуд Дауднинг аҳволи ҳақида гапириб ўтди.

Мураббийнинг сўзларига кўра, норвегиялик футболчи жиддий жароҳат олмаган, аммо шунга қарамасдан, у Бундеслиганинг 30-туридан ўрин олган "Падерборн"га қарши баҳсни ўтказиб юборади.

Германиялик футболчи учун эса мавсум муддатидан аввал якунланди. У қолган беллашувларда жамоага ёрдам беролмайди.

"Падерборн" - "Боруссия" Дортмунд баҳси 31 май куни Тошкент вақти билан соат 21:00 да бошланади.