"Borussiya Dortmund" ustozi: "2:0dan, 5:2. Nimalar bo‘lganini o‘zim ham tushunmayapman?!"

"Borussiya Dortmund" klubi bosh murabbiyi Nuri Shahin Chempionlar ligasi doirasida "Real Madrid"dan uchralgan mag‘lubiyatdan so‘ng, o‘z fikrlarini bildirib o‘tdi.

"Nima bo‘lganini tushuntirish qiyin. Birinchi bo‘limda juda yaxshi o‘ynadik. Ikkita chiroyli gol ham urdik. Ikkinchi bo‘lim juda uzoq davom etishini bilardik. Yakkama-yakka o‘ynaganimizda tezlik etishmay qolgan epizodlar bo‘ldi. Tanaffusda shogirdlarim bilan bu haqda gaplashdik. Ikki daqiqa ichida ikkita gol o‘tkazib yuborish bizni ruhiy tomondan ancha qiynab qo‘ydi.

Biz to‘p bilan yaxshi o‘ynadik va hisob 2:2 bo‘lganda uchinchi golni kiritishimiz mumkin edi. Muvaffaqiyatli natijaga umid bor edi. Lekin biz yomon himoyalandik. Ularda individual mahorati yuqori futbolchilar bor edi. Endi bu mag‘lubiyatdan saboq chiqarib, kelasi safarlar bunday holatlarni takrorlamasligimiz kerak", - dedi "Borussiya Dortmund" ustozi.