"Borussiya" Dortmund Xolandga ultimatum qo‘ydi

"Borussiya" Dortmund tez orada Erling Xolandning otasi Alf Inge Xoland va agenti Mino Rayola bilan uchrashadi. Dortmundliklar futbolchining yakuniy qarorini kutyapti.

Shuningdek, ko‘plab grand jamoalar ham Xolandning so‘nggi so‘zini eshitmoqchi. Agar norveg "Borussiya"ni tark etadigan bo‘lsa, yuqoridagi klublar transfer uchun ishga kirishadi.

Ayni damda 21 yoshli futbolchini "Real", "Barselona", PSJ va "Manchester Siti" jamoalari o‘z safiga qo‘shib olmoqchi.

Ma’lumot o‘rnida, Erling Xoland joriy Germaniya chempionati doirasida 12 o‘yinda 13 ta gol urdi va 5 assist muallifiga aylandi.