"Боруссия" етакчилари "Бавария"га қарши ўйинни ўтказиб юборишлари мумкин

Bild нашри хабарига кўра, Дортмунднинг "Боруссия" клуби "Бавария"га қарши ўйинда икки асосий футболчисидан фойдалана олмаслиги мумкин.

Гап ярим ҳимоячи Жейдон Санчо ва жамоа сардори Марко Ройс ҳақида кетмоқда. Иккала футболчида ҳам кичик жароҳат борлиги айтилмоқда.

Хабарларга кўра, Санчонинг майдонга тушишига ўйиндан олдин қарор берилади, Ройс эса ўйинни муҳлислар қаторида кўриши аниқ бўлган.