"Боруссия тен Хаг ва 2та мураббий вариантини кўриб чиқмоқда

"Боруссия Дортмунд" Нури Шахинни бўшатгач, янги бош мураббий излашга киришди.

Журналист Флориан Плеттенбергнинг маълумотларига кўра, немис клубининг бош мураббийлик лавозимига бир нечта номзодлар кўриб чиқилмоқда. Қисқа рўйхатда Рогер Шмидт, Нико Ковач ва Эрик тен Хаг каби мутахассислар бор.

"Боруссия" жорий Бундеслигада қониқарсиз натижалар қайд этмоқда. Дортмунд клуби 25 очко тўплаб, турнир жадвалида ўнинчи ўринда бормоқда. "Асаларилар" навбатдаги учрашувини уй майдонида Бременнинг "Вердер" жамоасига қарши ўтказади.