"Боруссия" Холандни сақлаб қолиш учун бу ишни қилишга тайёр

Норвегиялик ҳужумчи Эрлинг Холанд ёзги трансфер бозоридаги энг харидоргир футболчилардан бири бўлади. Боиси, Европанинг кўплаб гранд клублари унга қизиқиш билдирмоқда.

Бироқ, “Боруссия” Дортмунд раҳбарияти Холанди яна бир мавсум ўз сафида сақлаб қолиш умидини йўқотмаяпти. Bild нашри хабарига кўра, немис гранди норвегияликка икки баробар кўп маош тўлашга тайёр. Аниқроғи, унинг маошини йилига 8 дан 16 миллион еврога кўтаришмоқчи.

Шунингдек, Холанд “Боруссия”нинг техник ҳомийси – Puma компанияси билан фойдали ҳомийлик шартномасини тузиши мумкин.

Эрлинг Холанд "Боруссия"даги икки йиллик фаолияти давомида жами 75 та ўйин ўтказди ва уларда 76 та гол урди.