Бош мураббий: Шомуродовни озод қиламиз!

“Специя” А Сериянинг 33-турида Бергамода “Аталанта” меҳмони бўлади. Ҳар икки жамоа мавсумда бошқа-бошқа мақсадлар учун курашмоқда. Бергамоликлар Чемпионлар лигаси йўлланмаси учун “Рома”, “Милан”, “Интер” билан кучли рақобатга киришган.

Лигурияликларнинг вазияти оғир. Жамоа қуйи лигага тушиб кетиши мумкин. Хавфли зонада турган уч жамоанинг ўйинида ижобий ўзгаришлар ва қониқарли натижалар қайд этилмоқда. Леонардо Семпличи  шогирдлари кўп очко йўқотиши ортидан рақобатчилар очколар орасидаги фарқни бирин-кетин йўққа чиқармоқда.

Демак, Бергамодаги баҳсда ҳар икки жамоа фақат ғалаба учун ўйнашга мажбур.

“Специя” бош мураббийи Леонарда Семпличи ўйинолди матбуот анжуманида ўз фикрлари билан ўртоқлашди.

“Монца”дан учралган мағлубият ҳақида

“Монца”дан учралган мағлубият бизга мусобақа жадвалида катта муаммоларни келтириб чиқарди. Лекин ўша баҳсга икки томондан баҳо бериш лозим: натижа ва ўйин. Биринчисига қарасак, муаммо етарли. Лекин ўйинимиз ижобий таассурот қолдирди. Бу яхши ўйин натижага етарли бўлмаган ҳолат сифатида баҳоланиши керак.

Яхши ўйнаб, майдонни қуруқ қўл билан тарк этиш аламли. Шу боис, футболчиларнинг руҳий ҳолатига алоҳида эътибор қаратишга тўғри келди.

Бой берилган вазиятлар ҳақида

Кўп омиллар ҳақиқий салоҳиятимизни кўрсатишга тўсқинлик қилмоқла. “Лацио” билан ўйинда иккита шов-шувли вазият яратдик. “Сампдория”га бой берилган вазиятлар туфайли ютқаздик. “Монца” билан тўқнашувда ҳам яхши вазиятларимиз бўлди.

Қатъиятли бўлишимиз керак. Натижага қарамай, аввалги баҳслардаги ўйинимизни кўрсатишимиз зарур. Учрашув ҳисобида зараримизга бўлган вазиятларда ҳам ҳаммага бизни ҳурмат қилишни ўргатдик. Кучли жамоага қарши ўйин олдидан ўзимизга бўлган ишончни йўқотмаслигимиз керак.

Эммануэль Гьяси ҳақида

Гьяси биз учун муҳим ўйинчи, жамоа сардори, А Серияда “Специя” сафида юздан ортиқ учрашув ўтказган. Ҳар бир футболчида яхши ва ёмон вазиятлар бўлиши табиий. Уни бой берилган имкониятлар чун танқид қилавериш адолатдан эмас. Ўз навбатида, мухлисларни ҳам тушунишимиз керак.

Виктор Коваленконинг хатоси ҳақида

Футболчиларнинг қулай имкониятдан фойдалана олмаслиги аслида нормал ҳолат.  Коваленконинг биринчи хатосидан кейин мухлислар уни ўйиндан олишимизни талаб қилиб бақиргани ёқимсиз вазият. Чунки ўйинчига бу босимни енгиш қийин ҳисобланади. Муҳим учрашувлар вақтида мухлислар уни қўллаб-қувватлашига ишонаман. Ана шундай бўлса, ҳамма майдонда ўз сўзини айта олади. Биз камчиликларимизни тузатиб, олдинга қадам ташлашни билишимиз керак.

Элдор Шомуродов ҳақида

Бош мураббий жамоадаги ҳар бир вазиятга баҳо беради, лекин ғалаба келтирадиган схемаларимиз борлигини тасдиқлай олмайман. Элдор Шомуродов иккинчи ҳужумчи. Бўлажак ўйинда футболчиларимизни унга яқинроқ ўйнатамиз. Элдорни рақиб таъқибидан озод қилишимиз керак.

Шомуродов биз учун қимматли футболчи. Чунки у ақлли ўйинчилар тоифасига киради. Биз ўзбек легионерининг дарвозага тескари туриб ўйнашига барҳам бериш йўлларини қидиряпмиз. У майдон ичкарисидан ҳужум уюштириши лозим.

Ҳимояланишда бошқа футболчилар ва бошқа усулларини қўллашимиз керак. Масалан, “Монца” билан баҳсда Гьяси бешинчи ҳимоячи вазифасини бажарди. У бир неча ролни бажара олади. Айнан мана шу йўл тўғри бўлади.   

“Аталанта”га қарши ўйин ҳақида

“Аталанта”га қарши беллашувда ижобий натида қайд этишимиз учун жуда тартибли, қатъиятли, мардонавор ўйин намойиш этишимизга тўғри келади. Агар ўйин тизгинини уларга топшириб қўйсак, бизни аяб ўтиришмайди.

Бергамода ҳужумкор ва фаол ўйин кўрсатишимиз керак. Жамоа характери муҳим аҳамият касб этади. Шогирдларим ўз салоҳияти ва маҳоратини кўрсата олишига умид қиламан. Зўр ўйнашимиз шарт.

Вазият қалтис: Шомуродов янги иқтидор Хёйлуннга қарши!

Шомуродовнинг даври келди...

Бу мамлакатда 20 нафар ўзбек легионери тўп тепмоқда

Шомуродов ҳаммасини ўзгартириб юбориши керак эди...