Бразилия президенти Неймарга миннатдорчилик билдирди

Бразилия президенти Жаир Болсонаро терма жамоанинг асосий юлдузи Неймарга қўллаб-қувватлагани учун миннатдорчилик билдирди.

“Президентликка қайта сайланиш ва олтинчи жаҳон чемпионлиги бирга келади деб умид қиламан. Раҳмат, Неймар! Бразилия ҳамма нарсадан устун, Худо ҳамма нарсадан устундир”, — деб ёзди Жанубий Америка давлати президенти ижтимоий тармоқлардаги саҳифаси орқали.

Эслатиб ўтамиз, парижликлар ҳужумчиси шу йилнинг октябрь ойида бўлиб ўтадиган президентлик сайловларида барчани Болсонарога овоз беришга чақирган эди.

Неймар ўз терма жамоаси сафида 121 та ўйин ўтказиб, 75 та гол урган. Ҳужумчига Бразилия терма жамоаси тарихидаги энг яхши тўпурарига айланиши учун бор-йўғи 3 та гол қолган.