Braziliyalik hujumchi yetti hafta davomida jamoasiga yordam bera olmaydi!

"Tottenxem" hujumchisi Risharlison yaqinida "Aston Villa"ga qarshi kubok uchrashuvida jarohat oldi. London jamoasi bosh murabbiyi Tomas Frank braziliyalik futbolchining tiklanish muddatlari haqida ma'lumot berdi.

— Afsuski, Risharlison son orqa mushagidan jarohat oldi. Shu sababli u taxminan yetti haftani o‘tkazib yuboradi, — dedi Frank jurnalistlarga.

Ayni paytda "Tottenxem" Angliya chempionatining turnir jadvalida 14-o‘rinda bormoqda. Londonliklar navbatdagi uchrashuvni shanba kuni, 17 yanvar sanasida "Vest Xem"ga qarshi London derbisida o‘tkazadi.

2025/2026 yildgi mavsumda Risharlison barcha musobaqalarda 31 ta o‘yinda maydonga tushib, 8 ta gol urdi va 3 ta golli uzatmani amalga oshirdi.