Бразилиялик ҳужумчи етти ҳафта давомида жамоасига ёрдам бера олмайди!

"Тоттенхэм" ҳужумчиси Ришарлисон яқинда "Астон Вилла"га қарши кубок учрашувида жароҳат олди. Лондон жамоаси бош мураббийи Томас Франк бразилиялик футболчининг тикланиш муддатлари ҳақида маълумот берди.

— Афсуски, Ришарлисон сон орқа мушагидан жароҳат олди. Шу сабабли у тахминан етти ҳафтани ўтказиб юборади, — деди Франк журналистларга.

Айни пайтда "Тоттенхэм" Англия чемпионатининг турнир жадвалида 14-ўринда бормоқда. Лондонликлар навбатдаги учрашувни шанба куни, 17 январь санасида "Вест Хэм"га қарши Лондон дербисида ўтказади.

2025/2026 йилги мавсумда Ришарлисон барча мусобақаларда 31 та ўйинда майдонга тушиб, 8 та гол урди ва 3 та голли узатмани амалга оширди.