Брикс ўйинлари: Бокс бўйича илк олтин медаль қўлга критилди!

Айни дақиқаларда Қозон шаҳрида БРИКС турнирининг бокс бўйича финал жанглари бўлиб ўтмоқда. Ҳозирга келиб финалга йўл олган бир қатор боксчиларимиз ўз жангларини ўтказиб бўлди. Жумладан, -46 кг вазнда Шодиёржон Мелибоев мезбонлар вакили Володя Мнатсаканянга имкониятни бой бериб қўйган бўлса, -54 кг вазнда Шаҳзод Музаффаров яна бир россиялик Максим Кузнецовга мағлуб бўлди. -57 кгдаги вакилимиз Ҳудойназар Файзов ҳам Россия вакили Андрей Пегливанянга қарши жангда муваффақиятсизликка учради. - 60 кгдаги вакилимиз Дилшод Абдумуродов эса Абхазия вакили Герман Ардженияга мағлуб бўлди. -67 кг вазнда анчагина шов-шувли жангларни ўтказган юртдошимиз Шавкатжон Болтаев  финалда яна бир россиялик Карен Соловёвга қарши рингга кўтарилди ва у ажойиб тарзда ғалаба қозониб, илк олтин медални тақдим этди. Олдинда қуйидаги боксчиларимизнинг жанги кутиб турибди. 

-71 кг: Ҳавасбек Асадуллаев - Сергей Колденков (Россия)

-75 кг: Жавоҳир Умматалиев - Сергей Сергеев (Россия)

-80 кг: Тўрабек Ҳабибуллаев - Бешто Шавлаев (Россия)

-92 кг: Мадияр Сайдраҳимов - Рамазан Ҳанапиев (Россия)

+92 кг: Баҳодир Жалолов - Владислав Смягликов (Белларусъ)

-54 кг: Нигина Ўктамова - Татъяна Трушкина (Белларусъ)

-75 кг: Азиза Зокирова - Элена Гапешина (Россия)